Selçuk Bayraktar: Festival yekunlaşdığı üçün təəssüflənsək də, qardaşlığımız davam etdiyinə görə xoşbəxtik

Bakı, 29 may, AZƏRTAC

Həyatımıza məna qatan "TEKNOFEST Azərbaycan"ın sonudur. Festival yekunlaşdığı üçün təəssüflənsək də, qardaşlığımız davam etdiyinə görə xoşbəxtik.

AZƏRTAC xəbər verir ki, bu sözləri mayın 29-da "TEKNOFEST Azərbaycan" festivalının bağlanış mərasimində "Baykar" şirkətinin texniki direktoru Selçuk Bayraktar deyib. Gələcəkdə "TEKNOFEST"in yenidən Bakıda, Şuşada keçiriləcəyini bildirən S.Bayraktar qeyd edib ki, festivalda qazanılan təcrübələr Azərbaycan gəncliyinin gələcəkdə rəhbəri olacaq, gənclər bu istiqamətdə öz fəaliyyətini bundan sonra da davam etdirəcəklər.

"Dünən Azərbaycanın Müstəqillik Gününü qeyd etdik. Bu gün də İstanbulun fəthinin 569-cu ildönümüdür. Bütün şəhidlərimizi rəhmətlə anırıq, ruhları şad olsun", - deyə S.Bayraktar vurğulayıb.