İQTİSADİYYAT


“Şəmkir” SES silsiləsi üzrə ötən ay 217 milyon kilovat-saata yaxın elektrik enerjisi istehsal olunub

Bakı, 22 iyun, AZƏRTAC

Bu ilin may ayında “Şəmkir” Su Elektrik Stansiyası (SES) silsiləsi üzrə 217 milyon kilovat-saata yaxın elektrik enerjisi istehsal olunub. Bu göstərici üzrə istehsalın 153,8 milyon kilovat-saatı silsilənin birinci pilləsi sayılan Şəmkir SES-ə, qalanı isə Yenikənd SES-ə aiddir.

“Azərenerji” ASC-nin mətbuat xidmətindən AZƏRTAC-a bildirilib ki, ötən 5 ayda Şəmkir SES-də 368 milyon kilovat-saatdan artıq, Yenikənd SES-də isə 170,3 milyon kilovat-saat, ümumilikdə silsilə üzrə 538,3 milyon kilovat-saatdan artıq elektrik enerjisi istehsal edilib.

“Şəmkir” SES silsiləsi üzrə cari ilin son üç ayında avadanlığa texniki xidmət göstərilib. Xidmətlər yerli və zavod təlimatlarının tələblərində göstərilmiş normada icra olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.