REGİONLAR


Şəmkirdə şəkər çuğunduru sahələri genişləndiriləcək

Şəmkir, 14 fevral, Famil Quliyev, AZƏRTAC

Şəmkirdə şəkər çuğunduru sahələri genişləndiriləcək.

AZƏRTAC-ın bölgə müxbiri xəbər verir ki, bu məsələ Şəmkir Rayon İcra Hakimiyyətinin başçısı Alimpaşa Məmmədovla “Azərşəkər” Məhdud Məsuliyyətli Cəmiyyətin baş direktoru Anar Mehdiyev arasında keçirilən görüşdə müzakirə olunub.

Rayon icra hakimiyyətinin başçısı bildirib ki, 2016-cı ildə Ceyrançöl ərazisində 670 hektar sahədən 14 min ton şəkər çuğunduru əldə edilib. 2017-ci ildə isə vətəndaşlara məxsus 1200 hektar torpaq sahəsində şəkər çuğunduru əkilib.

“Azərşəkər” MMC-nin baş direktoru Azər Mehdiyev çuğundur sahələrində aqrotexniki qaydalara əməl edilməsinin və texniki təminatın vacibliyini vurğulayıb, Şəmkirdə çuğundur sahələrinin genişləndirilməsi üçün birgə əməkdaşlığın əhəmiyyətini diqqətə çatdırıb.

Sonra “Azərşəkər” MMC-nin əməkdaşları ilə birgə rayonun Ceyrançöl ərazisində çuğundur əkiləcək torpaq sahələrinə baxış keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.