CƏMİYYƏT


Səmti müəyyən etmə ilə “İrəli”

Bakı, 5 iyul, AZƏRTAC

“İrəli” İctimai Birliyi gənclərin maarifləndirilməsi məqsədilə reallaşdırdığı “Azərbaycan gəncliyinə dəstək” (SAY - Support of Azerbaijan Youth) hərəkatı çərçivəsində “Yaşıl” (Green) layihəsinə start verib.

AZƏRTAC xəbər verir ki, layihə çərçivəsində avqustun 9-dək Hacıkənd qəsəbəsində fəaliyyət göstərəcək düşərgədə 100-dən çox gənc açıq havada qurulacaq çadırlarda qalacaqlar. Onlar ətraf mühitin qorunması sahəsində təlimlərə, ictimai müzakirələrə qatılmaqla bilik və bacarıqlarını inkişaf etdirəcəklər.

Layihə çərçivəsində Vergilər Nazirliyinin dəstəyi ilə Azərbaycan Respublikası Səmti Müəyyən Etmə İdman Federasiyası tərəfindən düşərgə iştirakçıları üçün idmanın bu növü üzrə təlimlər təşkil olunur. Səmti müəyyən etmə üzrə milli komandanın üzvü, eləcə də sonuncu respublika çempionu Şəhriyar İsmayılovun rəhbərliyi ilə dörd gün ərzində düşərgə iştirakçılarına idmanın bu növü barədə ətraflı məlumat veriləcək, nəzəri və praktiki məşqlər keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.