CƏMİYYƏT


“Sən də könüllü ol” devizi ilə könüllülərin qeydiyyatına start verilir

Bakı, 7 may, AZƏRTAC

Xəzər Rayon Gənclər və İdman İdarəsi “Sən də könüllü ol” devizi ilə könüllülərin qeydiyyatına start verir.

İdarədən AZƏRTAC-a bildiriblər ki, layihənin məqsədi gənclərin öz fəaliyyət sahəsi üzrə təkmilləşməsi, komanda ilə işləmə bacarığını inkişaf etdirməsi, sistemli şəkildə işləri həll etməsi və sosial əhatə dairəsini genişləndirməsidir.

Məlumatda qeyd olunub ki, könüllülük insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatıdır. Könüllülük həm də vətənpərvərlik məktəbi, xalqına, dövlətinə, milli-mənəvi dəyərlərə bağlılıq və xidmət örnəyidir.

Layihədə iştirak etmək üçün yaş məhdudiyyəti 16-29, könüllülük müddəti isə iki aydır. Bu müddəti bitirən bütün gənclər Xəzər Rayon Gənclər və İdman İdarəsi tərəfindən sertifikatla təltif ediləcək.

Gənclər İdarənin feysbuk səhifəsindəki link vasitəsilə qeydiyyatdan keçərək könüllü olaraq fəaliyyət göstərə bilərlər.

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.