İQTİSADİYYAT


Sənaye sektorunda innovativ təkliflər təşviq olunur

Bakı, 11 noyabr, AZƏRTAC

Sənaye sektorunda innovativ təkliflərin təşviqi məqsədilə İqtisadiyyat və Sənaye Nazirliyi tərəfindən yaradılmış dövlət orqanlarının, müəssisələrin və elmi təşkilatların nümayəndələrindən ibarət İnnovasiyaların Təşviqat Qrupunun birinci iclası keçirilib.

İqtisadiyyat və sənaye nazirinin müavini Niyazi Səfərov çıxış edərək “Sənaye ili”ndə görülən işlər barədə məlumat verib. Bildirilib ki, hazırda sənayenin modernləşdirilməsi, qeyri-neft sənayesinin şaxələndirilməsi, yeni istehsal sahələrinin, sənaye parklarının və məhəllələrinin yaradılması, regionlarda sənaye potensialının gücləndirilməsi istiqamətində tədbirlər həyata keçirilir. Bundan məqsəd ölkənin gələcək iqtisadiyyatının dayanıqlı inkişafını təmin etməkdir.

İqtisadiyyat və Sənaye Nazirliyinin İqtisadi İslahatlar Elmi Tədqiqat İnstitutunun direktoru, İnnovasiyaların Təşviqat Qrupunun rəhbəri Vilayət Vəliyev çıxış edərək təşviqat qrupunun işinin təşkilindən danışıb.

Tədbirdə İnnovasiyaların Təşviqat Qrupu haqqında qəbul olunmuş Əsasnamənin, Tədbirlər Planının layihələri müzakirə edilib və ikinci iclasın vaxtı müəyyənləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.