DÜNYA


Sənədsiz miqrantların ABŞ vətəndaşı olmaq şansı varmı?

Vaşinqton, 6 fevral, AZƏRTAC

Qeyri-leqal miqrasiya əsasən Prezident Donald Trampın bəlağətli çıxışları sayəsində Amerika cəmiyyətində ən çox müzakirə edilən mövzulardan biri olaraq qalmaqdadır.

AZƏRTAC xəbər verir ki, Hellap İnstitutunun apardığı ictimai sorğunun nəticələrinə görə, amerikalıların təqribən 80 faizi istəyir ki, qeyri-leqal miqrantlara müəyyən şərtlərlə ABŞ vətəndaşı olmaq imkanı verilsin. Sorğu iştirakçılarının 81 faizi hesab edir ki, göstərilən vaxt ərzində müəyyən tələbləri yerinə yetirən qeyri-leqal miqrant Amerika pasportuna layiqdir.

Bu göstərici həqiqətən yüksəkdir, lakin Donald Tramp 2016-cı ildə prezident seçiləndə Amerika vətəndaşlarının daha çoxu – 84 faizi qeyri-leqalların vətəndaşlıq almasına tərəfdar idi. Deportasiya məsələsində də analoji göstəricilər nümayiş etdirilib. Sorğu iştirakçılarının 61 faizi bildirib ki, deportasiyanın əleyhinədir, halbuki 2016-cı ildə həmin rəqəm 66 faizə bərabər olub.

Qeyd edək ki, Hellap İnstitutunun yanvarın 21-27-də keçirdiyi sorğuda 1022 amerikalı iştirak edib.

 

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.