DÜNYA


Seneqal prezidenti Afrika İttifaqı adından Moskva və Kiyevə səfər edəcək

Madrid, 23 may, AZƏRTAC

Seneqal prezidenti Maki Sall hazırda rəhbərlik etdiyi Afrika İttifaqı adından Rusiya və Ukraynaya səfər edəcək.

AZƏRTAC xəbər verir ki, səfər Moskvanın dəvəti və Ukrayna Prezidentinin Afrika ölkələrinin rəhbərləri ilə təmasda olmaq istəyi ilə baş tutacaq.

M.Sall əvvəlcə mayın 18-nə planlaşdırılan, lakin müəyyən səbəblərdən baş tutmayan səfər üçün Afrika İttifaqından mandat aldığını və buna görə də yeni tarixlərin təklif edildiyini bildirib.

Seneqal prezidenti səfərin yaxın həftələrdə baş tutacağını deyib.

Ukraynadakı hərbi əməliyyatlar taxılın qiymətinin qalxması və yanacaq qıtlığına səbəb olaraq Afrika qitəsinin iqtisadiyyatına ağır zərbə vurub.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.