Şənlik mərasimlərinin təşkili zamanı məlumatların “icaze.e-gov.az” portalına daxil edilməsi ləğv olunur

Bakı, 20 iyun, AZƏRTAC

Cari ilin iyunun 21-dən etibarən şənlik mərasimlərinin təşkili və keçirilməsi zamanı məlumatların “icaze.e-gov.az” portalına daxil edilməsi, həmçinin şənlik mərasiminin sahibi və şənlik mərasiminin keçirildiyi məkanın sahibi arasında müştərək məsuliyyət barədə imzalanan iltizamnamə tələbi ləğv olunur.

AZƏRTAC xəbər verir ki, bununla bağlı Nazirlər Kabinetinin “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı əlavə tədbirlər haqqında” qərarında deyilir.