Bakı, 29 oktyabr, AZƏRTAC

Sentyabrda fəaliyyətdə olan bankların cəmi aktivləri 43,633.4 milyon manat, cəmi öhdəlikləri 38,288.3 milyon manat, balans kapitalı 5,345.1 milyon manat olub.

AZƏRTAC Mərkəzi Banka istinadla xəbər verir ki, sentyabr ayında bankların cəmi aktivləri və balans kapitalı 2,9 faiz, cəmi öhdəlikləri müvafiq olaraq 3,1 faiz artıb. Sektorun aktivlərinin 40,8 faizi (10,460.5 milyon ABŞ dolları ekv.), öhdəliklərinin isə 45 faizi (10,126.7 milyon ABŞ dolları ekv.) xarici valyutadadır.