CƏMİYYƏT


Sentyabrın üçüncü ongünlüyündə ən aşağı temperatur Gədəbəydə qeydə alınıb

Bakı, 6 oktyabr, AZƏRTAC

Respublikanın əksər bölgələrində sentyabr ayının üçüncü ongünlüyündə hava şəraiti az yağıntılı keçib, havanın orta temperaturu çoxillik iqlim normasından 3-4ºC, ötən ilin göstəriciləri ilə müqayisədə isə 2-3ºC yüksək olması ilə səciyyələnib.

Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada 22,1º, Naxçıvanda 21,8º, Mil-Muğan və Mərkəzi Aranda 22-23º, Gəncə-Goranboy 22-24º, Qarabağ bölgəsi 22º, Şəki-Zaqatalada 20-21º, Dağlıq Şirvan bölgəsində və Qubada 18-19º, Lənkəran-Astarada 21-22º, Tovuz-Qazaxda 16-21º təşkil edib.

Havanın minimum temperaturu Gədəbəydə 5º, Qazax, Naxçıvan və İsmayıllıda 8º, Quba, Tovuz və Şamaxıda 9º, Gəncə və Ceyrançöldə 10º, Cəfərxan, Şəki və Zaqatalada 12º, Bərdə və Zərdabda 13º, Göyçay, Lənkəran və Maştağada 14º olub.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.