İDMAN


Sərbəst güləşçilərimiz Xorvatiyada keçirilən dünya çempionatında inamla mübarizə aparırlar

Bakı, 3 iyul, AZƏRTAC

Xorvatiyanın Zaqreb şəhərində yeniyetmə güləşçilərin dünya çempionatı davam edir.

AZƏRTAC xəbər verir ki, yarışın ikinci günündə 45, 51, 60, 71 və 92 kiloqram çəki dərəcələrində sərbəst güləşçilər mübarizə aparıblar.

Çempionatda 60 kiloqram çəki dərəcəsində mübarizə aparan Azərbaycan təmsilçisi Sabir Cəfərov gürcüstanlı Baçuki Avalişvilini (7:0) və özbəkistanlı Nodir Raximovu (5:2) üstələyərək yarımfinala vəsiqə qazanıb. Finala gedən yolda onun rəqibi Yunanıstan idmançısı Georgios Kuqyumtsidis olacaq.

Xatırladaq ki, yarışın ilk günündə 48, 55, 65, 80 və 110 kiloqram çəki dərəcəsində sərbəst güləşçilər yarışıblar.

İlk gündə mübarizə aparan güləşçilərimizdən dördü yarımfinala yüksəlib. Yarımfinal görüşlərini qələbə ilə başa vuran Əlihəsən Əmirli (48 kq) və Turan Bayramov (65 kq) finala çıxıblar. Yarımfinalda uduzan Saqadulla Ağayev (80 kq) və İslam Abuyev (110 kq) bürünc medal görüşdə iştirak etmək hüququ qazanıblar. Təsəlliverici görüşdə qələbə qazanan Əbülfəz Nəsirov (55 kq) da bürünc medal uğrunda mübarizədə gücünü sınayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.