İDMAN


Sərbəst güləşçimiz Hacımurad Hacıyev Romada keçirilən Avropa çempionatının finalına yüksəlib

Bakı, 3 avqust, AZƏRTAC 

Romada keçirilən güləş üzrə gənclərin Avropa çempionatının beşinci günündə 57, 65, 70, 79 və 97 kiloqram çəki dərəcələrində sərbəst güləşçilər mübarizəyə qoşulublar.

Azərbaycan Güləş Federasiyasından AZƏRTAC-a bildiriblər ki, 70 kiloqram çəki dərəcəsində mübarizə aparan Hacımurad Hacıyev ardıcıl olaraq Gürcüstan və İsveçrə təmsilçilərinə qalib gələrək yarımfinala adlayıb. Bu mərhələdə güləşçimiz Ukrayna idmançısına da heç bir şans verməyib və finala yüksəlib. Həlledici görüşdə onun rəqibi Rusiya idmançısı olacaq.

Orxan Abbasov (79 kq) isə Gürcüstan, Avstriya və Fransadan olan rəqiblərini məğlub edərək yarımfinala vəsiqə əldə edib. Moldova idmançısına uduzan güləşçimiz bürünc medal uğrunda görüşə haqq qazanıb.

Doxsan yeddi kiloqram çəkidə yarışan Alimaqomed Alixmoyev bürünc medal uğrunda görüşə çıxacaq. Onun rəqibi rusiyalı güləşçi olacaq.

Əliabbas Rzazadənin (57 kq) də bürünc medal qazanmaq şansı var.

Final görüşləri avqustun 4-də Bakı vaxtı ilə saat 20:00-da başlayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.