ELM VƏ TƏHSİL


Şərqşünas alimlər beynəlxalq konfransda məruzə ediblər

Şərqşünas alimlər beynəlxalq konfransda məruzə ediblər

Bakı, 11 noyabr, AZƏRTAC

AMEA-nın akademik Ziya Bünyadov adına Şərqşünaslıq İnstitutunun Türkiyə tarixi və iqtisadiyyatı şöbəsinin müdiri akademik Şahin Mustafayev və Beynəlxalq əlaqələr şöbəsinin müdiri tarix üzrə fəlsəfə doktoru Gülər Qafqazlı Moskvada Rusiya Elmlər Akademiyasının Şərqşünaslıq İnstitutunun keçirdiyi “Bartold qiraətləri” adlı beynəlxalq konfransda onlayn iştirak ediblər.

Bu barədə AZƏRTAC-a Şərqşünaslıq İnstitutundan məlumat verilib. Bildirilib ki, akademik Şahin Mustafayev konfransda “1728-ci il Təbriz sancağının osmanlı vergi reyestrinə əsasən şəhər mərkəzində və aqrar sahədə toplanan bəzi vergi xüsusiyyətlərinə dair” mövzusunda məruzə ilə çıxış edib. Məruzədə osmanlı vergi reyestrlərinin xüsusiyyətlərindən, Təbriz şəhərində və onun tabeliyində olan ərazilərdən toplanan əsas vergilərdən bəhs edilib.

Gülər Qafqazlı konfransda “Misirdə Məmlük dövlətinin tarixinin öyrənilməsində İbn Tağriberdinin “Ən-nücum əz-zahira fi muluk Mısr va əl-Qahira” əsəri bir mənbə kimi” mövzusunda məruzə edib. Məruzədə İbn Tağriberdinin 16 cildlik əsəri, əsərin yazılma xüsusiyyətləri, Məmlük dövlətində baş vermiş bəzi mühüm hadisələrin qısa şərhi barədə danışılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.