Serxio Ramos Səudiyyə Ərəbistanı klubundan təklif alıb

Bakı, 30 mart, AZƏRTAC

Cari mövsümün sonu Fransanın PSJ klubu ilə müqaviləsinin müddəti başa çatacaq Serxio Ramosa Səudiyyə Ərəbistanından təklif alıb.

AZƏRTAC xəbər verir ki, “Əl-Hilal” klubu ispan müdafiəçiyə illik 30 milyon avro qazanacağı ikiillik sözləşmə təklif edib. Ulduz futbolçu təklifi qəbul etsə, "Əl-Nəssr"də çıxış edən Kriştiano Ronaldonun rəqibi olacaq.

Zədə səbəbindən bu mövsüm çox oyunda iştirak edə bilməyən Ramos, yaxşı məvacibə görə ərəb klubunu seçməyi planlaşdırır.

Qeyd edək ki, daha əvvəl PSJ klubunun Serxio Ramosu komandada saxlamaq üçün addımlar atdığı ilə bağlı xəbərlər yayılmışdı.