CƏMİYYƏT


Səttar Möhbalıyev: Məqsədimiz harada yaşamalarından asılı olmayaraq azərbaycanlıların əmək hüquqlarını qorumaqdır

Tbilisi, 14 sentyabr, AZƏRTAC

Azərbaycan və Gürcüstan həmkarlar ittifaqları konfederasiyaları arasında çox sıx və səmərəli əməkdaşlıq var. Hər iki təşkilat beynəlxalq arenada da səmərəli əməkdaşlıq edir, prinsipial məsələlərdə eyni mövqedən çıxış edirlər.

Bu sözləri AZƏRTAC-a açıqlamasında Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Möhbalıyev deyib.

“Bu gün Azərbaycanın, Gürcüstanın və Türkiyənin birgə iştirakı ilə regionda Bakı-Tbilisi-Ceyhan neft, Bakı-Tbilisi-Ərzurum qaz, Bakı-Tbilisi-Qars dəmir yolu kimi çox mühüm layihələr həyata keçirilir. Eyni zamanda, TAP və TANAP kimi layihələrimiz var. Bu layihələr bizim iqtisadi inkişafımızda, regionda və dünyada nüfuzumuzun artmasında, mövqelərimizin möhkəmlənməsində mühüm rol oynayır. Bütün bu layihələrin reallaşmasında türk və gürcü vətəndaşlarla yanaşı, azərbaycanlılar da iştirak edirlər. Məqsədimiz harada yaşamalarından asılı olmayaraq azərbaycanlıların əmək hüquqlarını qorumaqdır. Bəzi təşkilatlarda yerli həmkarlar təşkilatlarının yaradılması barədə təkliflər də almışıq. Bununla əlaqədar Gürcüstan HİK ilə məsləhətləşmələr aparırıq, müxtəlif razılaşmalarımız var”, - deyə S.Möhbalıyev əlavə edib.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.