İQTİSADİYYAT


Səudiyyə Ərəbistanı OPEC üzrə neft istehsalını ən çox azaldan ölkə olacaq

Bakı, 8 dekabr, Nihad Budaqov, AZƏRTAC

Səudiyyə Ərəbistanı OPEC-ə üzv ölkələr arasında neft hasilatını ən çox azaldan ölkə olacaq.

AZƏRTAC xarici KİV-lərə istinadla xəbər verir ki, bu barədə Səudiyyə Ərəbistanının energetika, sənaye və təbii sərvətlər naziri Xalid Əbdüləziz Al Falih deyib.

Nazir qeyd edib ki, OPEC və OPEC+ üzrə neft istehsalının sutkalıq 1,2 milyon barrel azaldılması qərarı çərçivəsində Səudiyyə Ərəbistanı gündəlik hasilatını 500 min barrel aşağı salacaq: “Noyabrda Səudiyyə Ərəbistanının xam neft istehsalı sutkalıq 11,1 milyon barrel olmaqla rekord səviyyəyə çatıb. Ölkə üzrə gündəlik neft istehsalı oktyabr ayında isə 10,7 milyon barrel idi. Lakin gələn ilin yanvar ayından etibarən bu həcm nəzərə alınmaqla hasilat sutkada 10,2 milyon barrelə endiriləcək”.

Bununla da Səudiyyə Ərəbistanı OPEC-ə üzv ölkələr arasında neft hasilatını ən çox azaldan ölkə olacaq. Səudiyyə Ərəbistanı hazırda dünyanın ən böyük neft ixracatçısıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.