DÜNYA


Səudiyyə Ərəbistanı investorları Serbiyaya sərmayə qoymağa dəvət olunub

Belqrad, 23 iyun, AZƏRTAC

Serbiya Prezidenti Aleksandr Vuçiç Belqradda Səudiyyə Ərəbistanının turizm naziri və İnkişaf Fondunun rəhbəri Əhməd bin Akil əl-Hatiblə görüşüb.

AZƏRTAC xəbər verir ki, görüşdə iki ölkə arasında əməkdaşlığın inkişaf perspektivləri, iqtisadiyyat, nəqliyyat və enerji sahələrində həyata keçiriləcək layihələr müzakirə edilib.

Səudiyyə Ərəbistanından olan investorları ölkəsinə sərmayə yatırmağa dəvət edən A.Vuçiç Səudiyyə Ərəbistanı və serb iş adamlarının birgə layihələr həyata keçirmələrinin vacibliyini vurğulayıb.

Serbiya Prezidenti Səudiyyə Ərəbistanının Belqradda diplomatik nümayəndəlik açacağına ümidvar olduğunu bildirib və bunun iki ölkə arasında münasibətləri yaxşılaşdıracağını qeyd edib.

 

Nihad Budaqov

AZƏRTAC-ın xüsusi müxbiri

Belqrad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.