MƏDƏNİYYƏT


Səudiyyə Ərəbistanı müqəddəs Kəbənin örtüyünün bir parçasını Misirə hədiyyə edib

Qahirə, 29 fevral, AZƏRTAC

Səudiyyə Ərəbistanının Misirdəki səfiri Üsamə Əl-Nuqali müqəddəs Kəbənin örtüyünün bir parçasını Misirin Turizm Nazirliyinə təqdim edib.

AZƏRTAC nazirliyin rəsmi saytına istinadla xəbər verir ki, bu qiymətli eksponat Misirin yeni inzibati paytaxtında açılacaq muzeydə nümayiş etdiriləcək.

Səudiyyə Ərəbistanının səfiri qeyd edib ki, onun ölkəsinin ən qədim sivilzasiyanın beşiyi olan Misirə hədiyyəsi tarixi və dini əlaqələrin bir rəmzidir.

Qeyd olunur ki, yeni inzibati paytaxtda yerləşəcək və 8500 kvadratmetr sahəsi olacaq muzeydə Qədim Misirə aid minlərlə arxeoloji və mədəni abidə nümayiş etdiriləcək. Bundan başqa, Yeni Qahirədə 2200 tamaşaçı yeri olacaq Opera Teatrı və böyük kitabxana inşa edilir.

Oqtay Bayramov

AZƏRTAC-ın xüsusi müxbir

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.