DÜNYA


Səudiyyə Ərəbistanında 37 terrorçu edam edilib

Ər-Riyad, 23 aprel, AZƏRTAC

Səudiyyə Ərəbistanında krallığın terrorçuluqda ittiham olunan 37 vətəndaşı haqqında çıxarılan ölüm hökmü icra edilib.

AZƏRTAC xəbər verir ki, bu məlumat ölkənin Daxili İşlər Nazirliyinin bəyanatında yer alıb. Qeyd olunub ki, müttəhimlər ekstremist ideyaların həyata keçirilməsində, sabitliyin pozulması üçün terrorçu yuvalarının yaradılmasında, dinlərarası ədavətin qızışdırılmasında, ölkədəki sabitliyə və təhlükəsizliyə xələl gətirməkdə təqsirli biliniblər. Onlar, həmçinin partlayıcı qurğulardan istifadə etməklə güc strukturlarının qərargahına hücum etməkdə və təhlükəsizlik xidmətinin bir neçə əməkdaşını qətlə yetirməkdə ittiham ediliblər.

Edam ölkənin altı şəhərində - Ər-Riyad, Məkkə, Mədinə, Şarkiyə, Kasim və Asirədə yerinə yetirilib.

Asya Hacızadə

AZƏRTAC-ın xüsusi müxbiri

Ər-Riyad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.