DÜNYA


Səudiyyə Ərəbistanında Qırmızı dəniz hövzəsi ölkələrinin birgə hərbi təlimləri keçirilir

Ər-Riyad, 30 dekabr, AZƏRTAC

Səudiyyə Ərəbistanında Qırmızı dəniz hövzəsinin altı ölkəsinin iştirakı ilə “Qırmızı dalğa-1” birgə hərbi təlimləri keçirilir.

AZƏRTAC xəbər verir ki, Səudiyyə Ərəbistanının Ciddə şəhərinin yaxınlığında beş gün ərzində keçiriləcək təlimlərə Səudiyyə Ərəbistanının, Misirin, İordaniyanın, Sudanın, Cibutinin və Yəmənin hərbi qüvvələrinin xüsusi təyinatlı heyəti və dəniz qüvvələri bölmələri cəlb olunublar. Somali təlimlərdə müşahidəçi qismində iştirak edir.

Səudiyyə Ərəbistanının Hərbi Dəniz Qüvvələrinin baş komandanı Fəhd bin Abdulla əl-Qafili bildirib ki, “Qırmızı dalğa-1” təlimlərinin əsas məqsədi iştirakçı ölkələrin müdafiə potensialının möhkəmləndirilməsindən, təcrübə mübadiləsinin aparılmasından və Qırmızı dəniz akvatoriyasında təhlükəsizliyin qorunmasından ibarətdir.

Asya Hacızadə

AZƏRTAC-ın xüsusi müxbiri

Ər-Riyad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.