DÜNYA


Səudiyyə Ərəbistanında “günah vergisi”nin tətbiqinə başlanılıb

Bakı, 24 avqust, AZƏRTAC

Səudiyyə Ərəbistanında tətbiqinə başlanılmış “günah vergisi” adlı yığım siqaretə, eləcə də tərkibində alkoqol olmayan energetik və qazlı içkilərə aid ediləcək.

AZƏRTAC “vergiler.az” saytına istinadla bildirir ki, siqaret üçün tətbiq olunan verginin dərəcəsi 100 faiz, energetik və alkoqolsuz qazlı içkilər üçün tətbiq edilən verginin dərəcəsi isə 50 faiz təşkil edəcək. Beləliklə, Səudiyyə Ərəbistanı İran Körfəzi regionunda faktiki olaraq, aksiz vergisi tətbiq edən ilk ölkə olacaq.

Ekspertlərin proqnozlarına əsasən, bu ilin sonuna qədər “günah vergisi”ndən dövlətin büdcəsinə 1,87 milyard dollar əlavə vəsait daxil olacaq.

Xatırladaq ki, bu ilin əvvəlindən ölkə tarixində ilk dəfə əlavə dəyər vergisinin, indi isə “günah vergisi”nin tətbiqi neftin qiymətinin ucuzlaşması ilə bağlı ortaya çıxan iqtisadi problemlərin aradan qaldırılmasına yönəldilmiş tədbirlərdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.