DÜNYA


Səudiyyə Ərəbistanında innovasiyalı “tibb şəhəri” salınacaq

Ər-Riyad, 14 mart, AZƏRTAC

Səudiyyə Ərəbistanın vəliəhdi Məhəmməd bin Salman bin Əbdüləziz Al Səudun Fərmanına əsasən krallığın Asir əyalətində innovasiyalı “tibb şəhəri” salınacaq.

AZƏRTAC Əl-Ərəbiyyə telekanalına istinadla xəbər verir ki, “tibb şəhəri” eyni vaxtda 5 min xəstəni müalicə etmək imkanına malik olacaq. Orada bir sıra ixtisaslaşdırılmış obyektlərin və xəstəxanaların tikintisi, o cümlədən müasir kardiologiya, onkologiya, nevralgiya, pediatriya mərkəzləri, ümumi sağlamlıq mərkəzləri və hospitalda yatmağa ehtiyacı olmayan pasiyentlər üçün yaşayış mərkəzlərinin tikintisi nəzərdə tutulur. Bütün obyektlər ən müasir və süni intellektlə təchiz edilmiş avadanlıqla təmin olunacaq.

Kompleksin Asir əyalətinin və krallığın daha üç regionunun tibbi ehtiyaclarını tam ödəyəcəyı bildirilir. “Tibb şəhəri”nin qonşu ölkələrdən müalicə almaq istəyən vətəndaşlar arasında da məşhur tibb ocağı kimi tanınacağı gözlənilir.

Bu meqalayihənin həyata keçirilməsi üçün 8 milyard dollar xərclənəcək.

 

Asya Hacızadə

AZƏRTAC-ın xüsusi müxbiri

Ər-Riyad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.