DÜNYA


Səudiyyə Ərəbistanındakı restoranda robotlar ofisiant xidməti göstərir

Qahirə, 21 aprel, AZƏRTAC

Səudiyyə Ərəbistanında texnoloji tərəqqinin daha bir nümunəsi tətbiq edilib.

AZƏRTAC xəbər verir ki, Cəzan şəhərindəki restoranın müştərilərinə süni intellekt imkanları ilə təchiz edilmiş robot-ofisiantlar xidmət göstərir.

COVID-19 pandemiyası şəraitində sosial məsafəni də qoruyan proqram yüklənmiş robot-ofisiantlar restoranın müştərilərinə bununla bağlı, habelə qoruyucu maska taxmaq zərurəti barədə xəbərdarlıq da edirlər. Onlar sifarişləri qəbul edərək mətbəxə ötürür və yeməklərin hazır olacağı vaxtı çatdırır.

Sistemin yaradıcısı olan mühəndis Riham Ömər bildirib ki, bütün bu əməliyyatları yerinə yetirmək məqsədilə restoranın interyerində quraşdırılan sensorlar robotlara doğru istiqamətdə hərəkət etmək və yeməkləri müştəriyə çatdırmaq imkanı verir. Onun sözlərinə görə, ötürülən siqnallar sayəsində robot-ofisiantlar yaxınlıqdakı insanları hiss edir və uyğun hərəkət marşrutunu müəyyən edirlər. Eyni zamanda, robotların yaddaşına restoranın interyerinin xəritəsi və hər bir masanın yeri də köçürülüb. Müştəri sifarişi qəbul etdikdən sonra robot-ofisianta getməsi komandasını verir.

Oqtay Bayramov

AZƏRTAC-ın xüsusi müxbiri

Qahirə

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.