İQTİSADİYYAT


Səudiyyə Ərəbistanının Kralı bu ölkənin enerji nazirinə Azərbaycan hökuməti ilə enerji sazişi imzalamaq səlahiyyəti verib

Qahirə, 28 iyun, AZƏRTAC

Səudiyyə Ərəbistanının Kralı Salman bin Əbdüləzizin sədrliyi ilə hökumətin Ciddədəki Əl-Salam sarayında keçirilən bugünkü iclasında krallığın enerji nazirinə Azərbaycan hökuməti ilə enerji sahəsində sazişin layihəsi ilə bağlı danışıqlar aparmaq və yekun saziş imzalamaq səlahiyyəti verilib.

AZƏRTAC xəbər verir ki, bu barədə rəsmi SPA agentliyinin iclasla bağlı xəbərində bildirilib.

Kral Salman bin Əbdüləzizin sədrliyi ilə keçirilən iclasda, həmçinin Səudiyyə Ərəbistanının vəliəhd şahzadəsi Məhəmməd bin Salmanın Türkiyəyə səfəri haqqında məlumatı dinlənilib, krallıqla ABŞ, Avropa İttifaqı və ərəb dövlətləri arasında müxtəlif sahələrə dair imzalanacaq bir sıra sənədlərlə bağlı hökumətə səlahiyyət verilib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.