Bakı, 2 iyun, AZƏRTAC

İyunun 6-dan 9-na kimi Bakıda Azərbaycan Respublikası Fövqəladə Hallar Nazirliyi, Azərbaycan Milli Elmlər Akademiyası və AMEA nəzdində Respublika Seysmoloji Xidmət Mərkəzinin təşkilatçılığı ilə Ulu Öndər Heydər Əliyevin anadan olmasının 100 illiyinə həsr olunmuş “Seysmologiya və mühəndis seysmologiyası” mövzusunda VII Beynəlxalq konfrans keçiriləcək.

Seysmoloji Xidmət Mərkəzindən AZƏRTAC-a bildirilib ki, konfransda yerli və xarici ölkələrdən olan seysmoloq alim və mütəxəssislər, bir sıra dövlət qurumlarının rəsmiləri, Türkiyə Elm və Texnoloji Tədqiqat Şurasının (TUBİTAK) prezidenti Hasan Mandal, AMEA rəhbərliyi, elmi institut və təşkilatların rəhbərləri, ali məktəb rektorları iştirak edəcəklər.