DÜNYA


Sıçuan əyalətində zəlzələ: 4000-dən çox insan zərər çəkib

Bakı, 2 aprel, AZƏRTAC

Çərşənbə günü Çin cənub-qərbindəki Sıçuan əyalətinin Şisyuy rayonunda 5,6 maqnitudalı zəlzələ baş verib. Yerli hakimiyyət orqanlarının cümə axşamı verdiyi məlumata görə, zəlzələdən 4000-dən çox insan zərər çəkib.

AZƏRTAC Sinxua agentliyinə istinadən xəbər verir ki, təbii fəlakət nəticəsində Şisyuy rayonundakı 84 kənddə 790-dan çox evə müxtəlif dərəcədə zərər dəyib. Zəlzələnin vurduğu iqtisadi zərərin həcmi təqribən 79,83 milyon yuana bərabərdir (11,28 milyon ABŞ dolları).

Qurbanlar haqqında hələ xəbər yoxdur.

Qanszı-Tibet muxtar dairəsinin Sıçuan əyalətinin Şisyuy rayonunda 5,6 maqnitudalı yeraltı təkanlar çərşənbə günü yerli vaxtla saat 20:23-də başlanıb.

Yerli hakimiyyət orqanları bildiriblər ki, zəlzələnin episentri əyalətin inzibati mərkəzi Çendu şəhərindən 559 kilometr məsafədə yerləşir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.