DÜNYA


Şiddətli yağışlar Çinin Şensi vilayətində 5 nəfərin ölümünə səbəb olub

Pekin, 13 iyul, AZƏRTAC

Çinin Şensi vilayətində bir neçə gündür aramsız yağan yağışların törətdiyi fəsadlar 5 nəfərin ölümünə, 10 nəfərin itkin düşməsinə səbəb olub.

AZƏRTAC vilayətin müvafiq qurumlarının açıqlamasına istinadla xəbər verir ki, iyulun 10-dan başlayan güclü yağışlar daha çox Sincou və Cinçen şəhərlərində, Tayhuay və Yantou qəsəbələrində dağıntı və tələfat törədib. Cinçen şəhərində son 20 ilin ən çox yağıntısı (268 millimetr) düşüb. Xeyli sayda sosial obyekt və fərdi ev dağılıb, infrastruktura ziyan dəyib.

Vilayətin səlahiyyətli qurumları təbii fəlakətin nəticələrinin aradan qaldırılması üçün gücləndirilmiş rejimdə çalışır.

Qeyd edək ki, son günlər Çinin müxtəlif bölgələrində şiddətli yağışlar insan tələfatı və dağıntıya səbəb olub. Müxtəlif bölgələrdə sel və daşqın, torpaq sürüşmələri qeydə alınıb. Çaylarda suyun səviyyəsi təhlükəli həddə çatıb və ya həddi keçib.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.