DÜNYA


Şiddətli yağışlar İranın üç əyalətinə ciddi ziyan vurub

Tehran, 6 oktyabr, AZƏRTAC

İranın şimalındakı Gilan, Mazandaran və Gülüstan əyalətlərində yağan şiddətli yağışlar ciddi fəsadlar törədib.

AZƏRTAC xəbər verir ki, Gilan əyalətində yağan yağış sel ilə nəticələnib və üç nəfər həlak olub. Əyalətdə magistral və kənd yollarına, fərdi təsərrüfatlara ciddi ziyan dəyib.

Mazandaran və Gülüstan əyalətlərində də evlər və ictimai iaşə obyektləri seldən zərər çəkib. Adıçəkilən əyalətlərdəki Astara, Talış, Masal, Fumən, Larican, Samesar və başqa şəhərlərdə küçələr suyun altında qalıb.

İran hökuməti təcili tədbirlər görmək üçün rəsmi şəxsləri hadisə yerinə göndərib. Fövqəladə vəziyyətlər komissiyasından isə bildiriblər ki, əhaliyə lazım olan yardımlar göstərilir.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.