Bakı, 20 iyun (AZƏRTAC). Sığorta şirkətlərinin minimal kapital tələbi 5 milyon manatdan 10 milyon manatadək artırılacaqdır.

AZƏRTAC xəbər verir ki, bu barədə Azərbaycanın maliyyə naziri Samir Şərifov jurnalistlərə açıqlamasında məlumat vermişdir.

Nazir bildirmişdir ki, bu, sığorta bazarının əsas iştirakçıları üçün problem yaratmayacaqdır. Çünki artıq bir sıra sığorta şirkətlərinin kapitalı 10 milyon manatdan çoxdur.

S.Şərifov vurğulamışdır ki, kapitalın artırılması vacibdir. Sığorta şirkətlərinin imkanı çatmalıdır ki, hadisə baş verdikdə sığorta ödənişini həyata keçirə bilsinlər.