“Silk Way West Aviaşirkəti” MMC-nin istiqrazlarının yerləşdirilməsi üzrə hərrac keçirilib

Bakı, 27 dekabr, AZƏRTAC

Dekabrın 27-də Bakı Fond Birjasında (BFB) “Silk Way West Aviaşirkəti” MMC-nin tədavül müddəti 3 təqvim ili olan AZ2002023516 dövlət qeydiyyat nömrəli, 10 milyon ABŞ dolları həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.

BFB-dən AZƏRTAC-a bildirilib ki, hərrac zamanı 26 investor tərəfindən 36 sifariş təqdim edilib. İstiqrazın illik faiz dərəcəsi 5 faiz, faiz ödənişləri 3 təqvim ayından bir olmaqla investorlara ödənilir. Sifarişlərin nominal qiymətlə ümumi məbləği 14 milyon 002 min, istiqrazların nominal qiymətlə yerləşdirilmiş həcmi isə 10 milyon dollar olub.