DÜNYA


“Şimal axını-2” qaz kəmərinin ikinci xəttinin çəkilişi başa çatıb

Berlin, 7 sentyabr, AZƏRTAC

“Şimal axını-2” qaz kəmərinin ikinci xəttinin çəkilişi başa çatıb.

AZƏRTAC xəbər verir ki, bu barədə layihənin operatoru “Nord Stream 2 AG” bu gün bəyan edib. Bildirilir ki, borunun sonuncu bölməsi bu yaxınlarda Baltik dənizinin dibinə endirilib və birləşdirilib. Beləliklə, artıq cari ilin sonunadək Rusiyadan təbii qazın ilk kubmetrləri qaz kəməri ilə ötürülməlidir.

Bu, “Qazprom” üçün çox mühüm layihədir. Baltik dənizinin dibi ilə çəkilən boru kəməri öz başlanğıcını Rusiyanın Ust-Luqa inzibati mərkəzindən götürərək Almaniyanın Qrayfsvald şəhərinədək uzanır. Onun buraxılış gücü daha əvvəl çəkilən “Şimal axını-1” boru kəmərinin buraxılış gücünə bərabərdir, yəni ildə 55 milyard kubmetr qaz halında olan yanacaq təşkil edir.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.