CƏMİYYƏT


Şimal bölgəsində bu günədək 8 min 825 kubmetr oduncaq tədarük olunub

Bakı, 26 sentyabr, AZƏRTAC

Qışa hazırlıq məqsədilə qazlaşdırılmayan kəndlərin əhalisinin odun yanacağı ilə təmin olunması üçün oduncaq tədarükü davam edir. Əhalinin sıx məskunlaşdığı, oduna daha çox tələbatın olduğu şimal bölgəsinin əhalisinə bu günədək 8 min 825 kubmetr odun tədarük edilib.

AZƏRTAC xəbər verir ki, bunu Meşələrin İnkişafı Xidmətinin rəsmisi Cabbar Qəribov bildirib.

Onun sözlərinə görə, şimal bölgəsində Quba rayonu üzrə 4 min 300, Qusar rayonu üzrə 2 min, Xaçmaz rayonu üzrə 1200, Şabran rayonu üzrə 1062, Siyəzən rayonu üzrə 129, Xızı rayonu üzrə isə134 kubmetr oduncaq tədarük olunub.

C.Qəribov onu da qeyd edib ki, odun yanacağı əldə etmək istəyənlər Regional Meşə Təsərrüfatı mərkəzlərinə müraciət edə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.