DÜNYA


Şimali Makedoniyada yeni koalisiya hökuməti təsdiqlənib

Bakı, 17 yanvar, AZƏRTAC

Şimali Makedoniya parlamenti Baş nazir Dimitar Kovaçevskinin rəhbərlik etdiyi yeni koalisiya hökumətini təsdiqləyib.

AZƏRTAC “Euronews”a istinadla xəbər verir ki, yeni Nazirlər Kabinetinə Sosial Demokratlar Partiyası rəhbərlik edəcək. Bu qərar Şimali Makedoniyanın 120 nəfərlik parlamentində keçirilən səsvermədə təsdiqlənib.

Oktyabr ayında keçirilən seçkilərdə ağır məğlubiyyətə uğrayan sabiq Baş nazir Zoran Zaev istefa verib. Onu COVID-19 pandemiyası və enerji qiymətlərindəki kəskin artımlar zamanı Şimali Makedoniyanın iqtisadi etibarsızlığı ilə mübarizə aparacağını vəd edən sabiq maliyyə nazirinin müavini Dimitar Kovaçevski əvəzləyəcək.

Qeyd edək ki, hökumət sabiq Baş nazir Zoran Zaevin istefasından sonra baş verən iki aylıq siyasi böhran nəticəsində yenidən formalaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.