CƏMİYYƏT


Şirvan şəhərindəki Əlilliyi olan şəxslər üçün Regional Bərpa Mərkəzində müasir reabilitasiya şəraiti yaradılır

Bakı, 10 sentyabr, AZƏRTAC 

Əlilliyi olan şəxslər üçün reabilitasiya infrastrukturunun təkmilləşdirilməsi işləri Şirvan şəhərindəki Əlilliyi olan şəxslər üçün Regional Bərpa Mərkəzini də əhatə edir.

Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən AZƏRTAC-a verilən xəbərə görə, nazirlik yanında Dövlət Tibbi-Sosial Ekspertiza və Reabilitasiya Xidmətinin tabeliyində fəaliyyət göstərən müəssisədə hazırda əsaslı təmir və yenidənqurma işləri aparılır. Burada müasir tələblərə uyğun reabilitasiya şəraiti yaradılacaq, sınanmış fizioterapevtik metodların tətbiqi və müasir avadanlıqlardan istifadə əsasında əlilliyi olan şəxslərə kompleks tibbi-sosial reabilitasiya xidmətləri göstəriləcək.

Müəssisə Şirvan şəhərində və ətraf rayonlarda yaşayan əlilliyi olan şəxslər üçün nəzərdə tutulub. Mərkəzdə əsaslı təmir və yenidənqurma işlərinin cari ilin sonuna qədər yekunlaşdırılması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.