REGİONLAR


Şirvan şəhərinin küçə və parklarında növbəti dəfə dezinfeksiya işləri aparılıb

Şirvan, 27 may, Mahir Babyev, AZƏRTAC

Koronavirus (COVID-19) infeksiyasının yayılmasının qarşısının alınması məqsədilə Şirvan şəhərində dezinfeksiya işləri və qabaqlayıcı tibbi tədbirlər davam etdirilir.

AZƏRTAC-ın bölgə müxbiri xəbər verir ki, sanitar-epidemioloji vəziyyəti nəzarətdə saxlamaq məqsədi ilə Şirvan Şəhər Gigiyena və Epidemiologiya Mərkəzinin əməkdaşları tərəfindən şəhərin küçə və prospektləri dezinfeksiyaedici maddələrlə yuyulub. Heydər Əliyev, Nəriman Nərimanov, Səməd Vurğun parklarında, İstiqlaliyyət və M.Ə.Rəsulzadə prospektləri boyunca yerləşən park və xiyabanlarda dezinfeksiya işləri aparılıb.

Qeyd edək ki, Şirvan şəhərində koronavirus infeksiyasına qarşı profilaktiki tədbirlər çərçivəsində dezinfeksiya işləri həftədə iki dəfə həyata keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.