REGİONLAR


Şirvanda 5 nömrəli tam orta məktəb üçün tikilən bina yeni dərs ilində istifadəyə veriləcək

Şirvan, 20 avqust, Mahir Babayev, AZƏRTAC

Şirvanda 5 nömrəli şəhər tam orta məktəb üçün inşa olunan binanın tikintisi başa çatıb. İkimərtəbəli məktəb binası Təhsil Nazirliyinin sifarişi ilə inşa olunub.

AZƏRTAC-ın bölgə müxbiri xəbər verir ki, 432 şagird yerlik məktəb binasının tikintisinə ötən ilin sentyabr ayında başlanılıb. Artıq binanın daxilində işlər yekunlaşıb. Hazırda texniki avadanlıqlar quraşdırılır, məktəbin ərazisində abadlıq işləri görülür, yaşıllıqlar salınır. Təhsil ocağı müasir istilik sistemi ilə təchiz ediləcək, burada 18 sinif otağı, fənn kabinetləri, laboratoriyalar, kompüter otaqları, yeməkxana, idman və akt zalları fəaliyyət göstərəcək.

Məktəb binasında şagirdlərin normal təhsil almaları üçün bütün lazımi şərait yaradılacaq. Təhsil ocağı 15 sentyabr - Bilik Günündə şagird və müəllimlərin istifadəsinə veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.