Siyəzəndə şahmat üzrə rayon birinciliyi keçirilib

Siyəzən, 23 iyun, Elxan Yusifli, AZƏRTAC

Siyəzəndə 26 İyun - Silahlı Qüvvələr gününə həsr olunan yeniyetmə oğlanlar və qızlar arasında şahmat üzrə rayon birinciliyinin qalibləri müəyyənləşib.

AZƏRTAC-ın bölgə müxbiri xəbər verir ki, Gənclər Mərkəzində iki gün davam edən turnirdə 40 şahmatçı qalib adı uğrunda mübarizə aparıb.

Yarışın yekun nəticəsinə əsasən qızlar arasında Fidan Zərbəliyev I, Məryəm Qubanlı II, Qızılgül Həsənova III yeri tutub. Oğlanların yarışında isə Yavər Adayev I, Amid Allahverdiyev II, Muhamməd Paşazadə isə III olub.

Təltif olunma mərasimində yarışın qaliblərinə təşkilatçılar tərəfindən fəxri fərman, medal və hədiyyələr təqdim edilib.