REGİONLAR


Siyəzənli boksçular regional kubokun qalibi olublar VİDEO

Siyəzən, 17 avqust, Elxan Yusifli, AZƏRTAC

Siyəzəndə keçirilən regional boks turnirində 60-dan çox yeniyetmə idmançı qalib adı uğrunda mübarizə aparıb.

AZƏRTAC xəbər verir ki, SSRİ-nin əməkdar idman ustası Vahid Əhmədovun xatirəsinə həsr olunan turnirdə Siyəzənlə yanaşı, Sumqayıt, Quba və Şabran boksçuları da qatılıb.

İki gün davam edən yarışda yeniyetmə və gənc boksçular 15 çəki dərəcəsində yarışıblar. Gərgin mübarizə şəraitində keçən döyüşlərdən sonra 11 qızıl medal qazanan Siyəzən boksçuları komanda hesabında birinci olub. Sumqayıt təmsilçiləri ikinci, Şabran boksçuları üçüncü yerdə qərarlaşıblar.

Qalib komanda kubokla, idmançılar isə medal və diplomlarla mükafatlandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.