DÜNYA


Skripalları zəhərləməkdə təqsirləndirilənlər hadisədən sonra ilk dəfə danışıblar

London, 15 sentyabr, AZƏRTAC

Sabiq rus kəşfiyyatçısı Sergey Skripalı və onun qızını zəhərləməkdə təqsirləndirilən Rusiya vətəndaşları hadisədən sonra ilk dəfə danışıblar.

Ruslan Boşirov və Aleksandr Petrov “RT” xəbər agentliyinə eksklüziv müsahibə veriblər. Hər iki şəxs bildirib ki, yayılan foto onlara aiddir, lakin bu məsələdə yanlışlıq var. Onlar İngiltərəyə turist kimi getdiklərini deyiblər.

Onların sözlərinə görə, martın 3-də gəzmək üçün Solsberiyə gediblər və cəmi yarım saat sonra geri qayıdıblar.

Hər iki şəxs Solsberiyə təsadüfən getdiklərini, Skripalların evini tanımadıqlarını da vurğulayıblar.

Boşirov və Petrov onu da qeyd ediblər ki, casusluqla heç bir əlaqələri yoxdur, onların işi fitneslə bağlıdır.

Britaniya Xarici İşlər Nazirliyi rus vətəndaşların müsahibəsini “yalan və çaşdırıcı” adlandırıb.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.