DÜNYA


Sloveniyanın ən böyük aviaşirkəti maliyyə çatışmazlığından uçuşlarını dayandırıb

Lyublyana, 24 sentyabr, AZƏRTAC

Sloveniyanın ən böyük aviaşirkəti olan “Adria Airways” maliyyə çatışmazlığı ucbatından bütün uçuşlarını dayandırmağa məcbur olub.

AZƏRTAC xəbər verir ki, bu barədə aviaşirkətin mətbuat xidməti məlumat yayıb. Şirkətdən bildirilib ki, müntəzəm uçuş fəaliyyətini həyata keçirmək üçün maliyyə vəsaiti çatışmır və bu səbəbdən də reyslərə “müvəqqəti fasilə” verilməsi barədə qərar qəbul edilib.

İyirmi təyyarəsi və 500-dək əməkdaşa malik şirkətin rəhbərliyi hazırda potensial investorlarla vəziyyətdən çıxmaq üçün intensiv danışıqlar aparır. 1961-ci ildə hələ keçmiş Yuqoslaviya dönəmində əsası qoyulan aviaşirkət hazırda Avropada 24 istiqamət üzrə uçuşlar həyata keçirir. Almaniyanın “4K Invest AG” şirkətinin əksər səhmlərin sahib olduğu “Adria Airways” ikigünlük fasilədən sonra yeni maliyyə vəsaitləri əldə edə bilməsə, Sloveniya dövləti şirkətin xilası üçün hərəkətə keçə bilər.

Elgün Niftəli

AZƏRTAC-ın xüsusi müxbiri

Lyublyana

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.