DÜNYA


Somalinin paytaxtında otelə hücum nəticəsində 10 nəfər həlak olub

Bakı, 20 avqust, AZƏRTAC

Somalinin paytaxtı Moqadişoda “Aş-Şabab” terror qruplaşmasının otelə hücumu nəticəsində azı 10 nəfər həlak olub, bir neçə nəfər yaralanıb.

AZƏRTAC xəbər verir ki, bu barədə “The Washington Post” qəzeti ölkənin təhlükəsizlik xidmətlərinə istinadla məlumat yayıb. Məlumata görə, mehmanxananın yerləşdiyi rayonda şənbə günü səhər saatlarında atəş səsləri eşidilməyə davam edib. Qəzet yazır ki, oteldən onlarla dinc sakin, o cümlədən uşaqlar təxliyə olunub.

“Aş-Şabab” qruplaşmasının üzvləri cümə günü məmurlar və hərbçilər arasında populyar olan “Hayt” otelinə hücum ediblər. Köməyə gələn polis dəstələri onların qurduğu pusquya düşüb. Hücum zamanı üç əldəqayırma bomba partladılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.