CƏMİYYƏT


Son 25 ildə ABŞ-da xərçəng xəstəliyinə tutulma səviyyəsi azalıb

Vaşinqton, 10 yanvar, AZƏRTAC

Amerika Onkologiya Cəmiyyətinin sonuncu tədqiqatının nəticələrinə görə, son 25 il ərzində Birləşmiş Ştatlarda xərçəng xəstəliyinə tutulma səviyyəsi 27 faiz azalıb.

AZƏRTAC həmin tədqiqatın nəticələri barədə hesabata istinadla xəbər verir ki, 25 il bundan əvvəl ölkədə xərçəng xəstəliyindən ölüm hallarının sayı ən yüksək səviyyədə olub. O vaxt hər 100.000 ölüm hadisəsindən xərçənglə bağlı ölüm hallarının sayı 215-ə çatmışdı. Ötən 25 ildə xərçəngdən ölüm hallarının sayı təqribən 2,6 milyon azalıb. 2016-cı ildə qeydə alınmış son məlumata görə, hər 100.000 ölüm hadisəsindən xərçənglə bağlı ölüm hallarının sayı 156 olub.

Amerika Onkologiya Cəmiyyəti xərçəngdən ölüm hallarının azalması səbəbləri kimi, siqaret çəkənlərin sayının davamlı şəkildə azalması, xərçəngin müalicəsi üçün yeni texnologiyalardan istifadə olunması və erkən diaqnoz qoyulması faktlarını göstərib.

Qeyd edək ki, Dünya Səhiyyə Təşkilatının keçən il sentyabr ayında elan edilmiş proqnozlarına görə, 2018-ci ildə xərçəng xəstəliyindən ölənlərin sayı 10 milyona yaxın olmalı idi.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.