MƏDƏNİYYƏT


“Son gecə” televiziya filmi Nəsimiyə həsr olunacaq

Bakı, 12 fevral, AZƏRTAC

“Azərbaycantelefilm” Yaradıcılıq Birliyi böyük Azərbaycan şairi Nəsimi və görkəmli ədib Cəlil Məmmədquluzadəyə həsr olunmuş sənədli filmlər çəkəcək.

AzTV-nin mətbuat xidmətindən AZƏRTAC-a bildirilib ki, may ayından etibarən Nəsimidən bəhs edəcək “Son gecə” televiziya filminin çəkilişlərinə start veriləcək. Filmin mövzusu Xalq şairi Rəsul Rzanın Nəsimiyə həsr olunmuş poemasının motivlərindən götürülüb.

Bundan başqa, “Mirzə Cəlil” filmi Cəlil Məmmədquluzadəyə həsr olunacaq. “Azərbaycantelefilm” görkəmli Azərbaycan şairi Məhəmməd Füzulini də yaddan çıxarmayıb. Belə ki, “Füzuli” filmi də bu münasibətlə ekranlaşdırılacaq.

Eyni zamanda, bu ildən AzTV-də “Fatehlərin divanı” bədii filminin davamının çəkilməsi də nəzərdə tutulur. Bu əsər Sultan Səlim Yavuz, Şah İsmayıl, Sara xatun, Uzun Həsən və başqa tarixi şəxsiyyətlərdən bəhs edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.