DÜNYA


Son gündə Özbəkistanda koronavirusa yoluxanların sayı 755 nəfər artıb

Daşkənd, 6 avqust, АZƏRTAC

Son günlər Özbəkistanda COVID-19 koronavirusuna yoluxma halı kəskin şəkildə artıb. Belə ki, son sutkada ölkədə bu virusa yoluxanların sayı 755 nəfər artaraq 28 min 69-a çatıb.

AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son 24 saatda ölkədə virusdan 5 nəfər həyatını itirib və pandemiya dövründə ölənlərin sayı 173-ə çatıb.

Hazırda xəstəxanalarda 9 min 113 adam var, onların 799-nun vəziyyəti ağır, 228-nin isə çox ağırdır.

Xatırladırıq ki, virusa yoluxma halı və ölənlərin sayının artması ilə əlaqədar avqustun 15-dək ölkədə karantin rejimi tətbiq edilir.

 

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.