DÜNYA


Son həftədə Fransada koronavirus səbəbindən 66 təhsil ocağında dərslər dayandırılıb

Paris, 20 fevral, AZƏRTAC

Son bir həftədə Fransanın təhsil müəssisələrində sanitar vəziyyət ağırlaşıb. Bu müddətdə koronavirusa yoluxma hallarına görə 66 təhsil ocağı və 1195 sinif bağlanıb.

AZƏRTAC xəbər verir ki, bu barədə Fransanın Milli Təhsil Nazirliyi məlumat yayıb. Nazirliyin məlumatına görə, 847-si son sutkada olmaqla, ötən bir həftə ərzində 5422 şagird, 647 təhsil işçisi koronavirusa yoluxub.

Hökumətin sözçüsü bildirib ki, ölkədə epidemioloji vəziyyət çox həssasdır və hər an ağırlaşa bilər. Buna görə də ölkədə tətbiq olunan komendant saatı rejimi qeyri-müəyyən müddətədək davam edəcək. Koronavirus testinin nəticəsi pozitiv olan şəxslər isə 7 gün deyil, 10 gün karantin rejimində qalmalı olacaqlar.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.