DÜNYA


Şotlandiyada müstəqillik referendumu keçiriləcək

London, 15 dekabr, AZƏRTAC

Şotlandiyada müstəqillik referendumu keçiriləcək.

AZƏRTAC xəbər verir ki, Şotlandiyanın birinci naziri və Şotlandiya Milli Partiyasının lideri Nikola Stercen Böyük Britaniya Parlamentinin İcmalar Palatası üçün keçirilən seçkilərdə 48 yer qazandıqdan sonra müstəqillik referendumu keçirəcəklərini söyləyib.

O, bildirib ki, şotlandlar Avropa İttifaqından ayrılmaq istəmir və Brexitə yox deyir.

Stercen qeyd edib ki, referendum Şotlandiya xalqının gələcəyini təyin etmək üçün demokratik hüququn təsdiqidir. O, Miladdan əvvəl Baş Nazirə yeni müstəqillik referendumunun keçirilməsi üçün məktub göndərəcəyini vəd edib.

Xatırladaq ki, 2014-cü ildə keçirilən müstəqillik referendumunda 55 faiz insan Şotlandiyanın Böyük Britaniyanın tərkibində qalması üçün səs vermişdi.

 

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.