Soydaşımız “Qazaxıstanın müstəqilliyinin 20 illiyi” medalına layiq görülmüşdür

14.12.2011 [21:25]
Çap et
A⁺ A^-

Almatı, 14 dekabr (AZƏRTAC). Qazaxıstan Prezidenti Nursultan Nazarbayevin Sərəncamı ilə Qazaxıstan Azərbaycanlıları Assosiasiyası İctimai Birliyinin Almatı şəhər filialının sədri Eyvaz Məmmədhəsənov diaspor quruculuğu sahəsində xidmətlərinə görə “Qazaxıstanın müstəqilliyinin 20 illiyi” medalı ilə təltif edilmişdir.

E.Məmmədhəsənovun babası bir çox azərbaycanlılar kimi, 1937-ci illərdə Qazaxıstana sürgün edilmiş, onun atası İmamverdi Məmmədhəsənov hələ 22 yaşında Sosialist Əməyi Qəhrəmanı adına layiq görülmüşdür. Onu da demək lazımdır ki, 1947-1948-ci illərdə Cambul vilayətinin Çu rayonunun bir kəndindən 11 soydaşımız bu fəxri ada layiq görülmüşdür.

Qulu Kəngərli

AZƏRTAC-ın xüsusi müxbiri

Almatı