MƏDƏNİYYƏT


“Soyuq müharibə” filmi Avropa Kino Akademiyasının baş mükafatını alıb

Bakı, 16 dekabr, AZƏRTAC

Polşa rejissoru Pavel Pavlikovskinin “Soyuq müharibə” (Zimna wojna) filmi Avropa Kino Akademiyasının (EFA) “Ən yaxşı Avropa filmi” nominasiyasında baş mükafat alıb.

AZƏRTAC TASS informasiya agentliyinə istinadla xəbər verir ki, 31-ci mükafatlandırma mərasimi dekabrın 15-də Sevilyada keçirilib. Bu ekran əsərinə görə Pavlikovski, həmçinin ən yaxşı avropalı rejissor və ssenarist adına layiq görülüb. Filmin süjet xəttinin mərkəzində Qərblə sosializm düşərgəsi ölkələri qarşıdurması zamanı musiqiçi və müğənninin məhəbbət macərası dayanır.

Ən yaxşı Avropa filmi adına, habelə Əli Abbasinin “Dünyaların sərhədində” (Grans), Matteo Qarronenin “Doğman” (Dogman), Lukas Dontun “Qız” (Girl) və Aliçe Rorvaxerin “Xoşbəxt Lazar” (Lazzaro feliçe) filmləri də namizəd irəli sürülmüşdü.

Avropa Kino Akademiyasının mükafatı 1988-ci ildə təsis olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.