DÜNYA


“Soyuz MS-10” beynəlxalq stansiyasının daşıyıcı pillələri tapılıb

Astana, 13 oktyabr, AZƏRTAC

Qazaxıstanın Qaraqanda vilayətinin Ulıtau rayonunda “Soyuz MS-10” tipli beynəlxalq stansiyanın daşıyıcı pillələri tapılıb.

AZƏRTAC xəbər verir ki, kosmos vasitəsinin pillələri Jetikazqanda yerləşdirilən 1 nömrəli Rusiya bazasının qüvvələri tərəfindən aşkar edilib. Stansiyanın pillələrinin düşdüyü ərazidə səhra və meşə yanğını baş verməyib.

Fövqəladə komissiya heyətlə birlikdə “Soyuz BS-10” raketinin qəza uğramasının səbəbinin araşdırılmasını oktyabrın 20-də başa çatdıracaq.

Xatırladaq ki, “Soyuz MS-10” beynəlxalq kosmik stansiyası yeni heyətlə havaya qalxarkən daşıyıcı raketdə qəza baş vermişdi. Beynəlxalq Kosmik Stansiyaya uçmalı olan “Soyuz BS-10” raketinin ikinci pilləsinin mühərrikləri startdan sonra sönüb. Ekipaj üzvləri – Rusiya kosmonavtı Aleksey Ovçinin və NASA-nın astronavtı Nik Heyq sağ qalıblar və onlar Mi-8 vertolyotu ilə Jetikazqan şəhərinə gətirilib.

Astronavtların orbitdə 187 gün qalmaları planlaşdırılırdı. Bu vaxt ərzində Rusiya kosmonavtı “Maqnit 3D” bioprinterini sınaqdan keçirməli idi. Aleksey Ovçininin noyabrda digər rusiyalı kosmonavt Sergey Prokopyev ilə birlikdə açıq kosmosa çıxması nəzərdə tutulurdu.

İlahə Əhmədova

AZƏRTAC-ın xüsusi müxbiri

Astana 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.